12

معروف ٹی وی اینکر اقرار الحسن نے دوسری شادی کرلی





کراچی: معروف ٹی وی اینکر اقرار الحسن نے دوسری شادی کرلی جبکہ ایک ٹوئٹر صارف کے سوال پر اقرار الحسن نے اپنی شادی کا اعتراف بھی کرلیا ۔تفصیلات کے مطابق ایک ٹوئٹر صارف کی جانب سے جب اقرار الحسن سے پوچھا گیا کہ ٹی وی اینکر فرح یوسف ان کی فیملی کے ساتھ کیا کررہی ہے تو نجی ٹی وی چینل کے میزبان نے جواب دیتے ہوئے کہا کہ فرح یوسف ان کی دوست نہیں بلکہ بیوی ہے جبکہ وہ اپنی دونوں بیویوں اور بیٹے کے ساتھ خوش و خرم زندگی بسر کررہے ہیں۔اقرار الحسن کی دوسری شادی کی خبر اس وقت سامنے آئی جب اینکر نے اپنی فیملی کے ساتھ غیر ملکی دورے کی تصاویر سماجی رابطے کی ویب سائٹ ٹوئٹر پر شیئر کی تو مشال خان نامی خاتون صارف نے فرح یوسف کی اور اقرار الحسن کی تصاویر شیئر کرتے ہوئے سوال پوچھا کہ” اقرار الحسن بھائی برائے مہربانی ذرا اس کی وضاحت تو کردیں؟؟؟ جس پر ٹی وی اینکر نے جواب دیتے ہوئے اپنی دوسری شادی کے بارے بتایا اور کہا کہ




”وضاحت؟؟ وہ میری بیوی ہے اور اس ٹور پر وہ میرے ساتھ تھی۔کیا کوئی ایشو ہے؟؟ اقرا ر الحسن کے مداح کی جانب سے سوال کیا گیا کہ اگر وہ آپ کی بیوی ہے تو آپ اپنے مداحوں سے اس بات کو پوشیدہ کیوں رکھ رہے ہیں؟جس کے جواب میں اقرار الحسن نے اپنی دونوں بیویوں اور بیٹے پہلاج کی تصاویر شیئر کرتے ہوئے لکھا کہ ”کیا چھپا رہا ہوں؟؟ آپ ضرور مذاق کررہی ہیں۔یہ جواب ہے ۔میری دونوں بیویاں اور میرا بیٹا۔“اقرار الحسن کی جانب سے جواب کے بعد ناقدین کو تو جیسے چپ ہی لگ گئی جبکہ اقرار الحسن کی دوسری بیوی فرح یوسف جو کہ ایک نجی ٹی وی چینل میں بطور اینکر کام کررہی ہیں نے بھی اقرار الحسن نے ٹوئٹ کو ری ٹوئٹ کرکے اس شادی کی تصدیق کردی۔

اس خبر پر اپنی رائے کا اظہار کریں

اپنا تبصرہ بھیجیں