145

کھانا کھا لو نا میری جان۔۔۔“ سچے پیار کے متلاشی زاہد نے محبوبہ کی فرمائش پر کھانا کھایا تو فوراً بے ہوش ہو گیا

حسینائیں دل تو چراتیں ہیں لیکن فیصل آباد کی حسیناﺅں نے دل کیساتھ انسانی جسم کی قیمتی ترین چیزیں بھی چرانا شروع کر دی ہیں اور جب ’محبوب‘ کو پتہ چلتا ہے تو ساری زندگی اپنے کئے پر پچھتاوے کے علاوہ کچھ بھی ہاتھ نہیں آتا۔فیصل آباد کی ریلوے کالونی کے رہائشی محبوب زاہد مسیح کا کہنا ہے کہ اس کی گلشن بی بی سے فون پر دوستی ہوئی اور یہ دوستی کب پیار میں بدلی پتہ بھی نہ چلا۔ زاہد مسیح کو احساس ہو گیا کہ اسے سچا پیار کرنے والی مل گئی ہے۔ ایک دن گلشن بی بی نے زاہد مسیح کو ملنے کیلئے بلا لیا جس پر سچا پیار پانے والے زاہد مسیح کی خوشی کا ٹھکانہ نہ رہا اور خوشی خوشی اسے ملنے چلا گیا۔
گلشن بی بی نے زاہد کی تواضع کھانے پینے سے کی لیکن محبت میں اندھے ہونے والے زاہد کو علم نہ تھا کہ کھانے میں نشہ شامل ہے، جسے کھاتے ہی زاہد بے ہوش ہو گیا، اور جب ہوش آیا تو بے چارے کا ایک گردہ نکالا جا چکا تھا۔ زاہد مسیح نے ہسپتال سے رابطہ کیا جہاں تصدیق ہو گئی کہ اس کا گردہ نکالا جا چکا ہے۔

اس خبر پر اپنی رائے کا اظہار کریں

اپنا تبصرہ بھیجیں